GREQI- Një atentat i ka ndodhur një çifti shqiptar në Greqi mbrëmjen e sotme. Protothema shkruan se ngjarja mafjoze ndodhi pak para orës 22:00 në lagjen Bajron.
Sipas informacioneve të para, një burrë i cili lëvizte me motoçikletë është ndalur pranë një makine në të cilën ka qenë çifti dhe ka qëlluar drejt tyre. Burri ka mbetur i vdekur në vend, ndërsa gruaja është plagosur rëndë. Krimi ka ndodhur në kryqëzimin e rrugëve Messolonghiou dhe Tsaldari.
Sipas informacioneve që ka siguruar Timoni.al në rrugë jo zyrtare bëhet e ditur se personi që është ekzekutuar quhet Sidorel Prendi alias Roan Ibrahimi. Ibrahimi rezulton i dyshuar si i përfshirë në disa ngjarje kriminale në zonën Kurbin-Milot. Roan Ibrahimi dyshohet se ka marr pjesë në antentatin që u bë ndaj Brilant Martinajt disa vite më parë.
