Holanda dhe Franca nuk shkuan më shumë se një barazim pa gola në raundin e dytë të Grupit D në Red Bull Arena të Leipzig.
Ndeshje me ritëm në secilën pjesë, por rastet e shpërdoruara janë për të vënë duart në kokë, sidomos 2 të Griezmann i cili para portierit duket sikur e kapin emocionet e i dridhen këmbët. Një gol u shënua nga Xavi Simons në pjesën e dytë, por arbitri i anulloi festën talentit holandez që nuk i mbajti dot lotët më pas.
Tulipanët dhe Gjelat ndajnë nga 1 pikë e shkojnë të dyja në kuotën e 4 pikëve me djemtë e Deschamps në krye të grupit. Në ndeshjen e fundit ata do të përballen me Austrinë dhe Poloninë respektivisht.
