Pamjet filmike të filmuara nga kamerat e trupit të një polici kanë kapur momentin teksa ai arrin të shpëtojë nga flakët një grua të bllokuar në një makinë të aksidentuar.
Ngjarja e rëndë u regjistrua në shtetin e Georgias, ku shihen lëvizjet e policit që shkon menjëherë në vendin ku ndodhej makina e aksidentuar dhe në flakë dhe pa asnjë frikë i vjen në ndihmë gruas që ndodhej brenda saj.
Oficeri i policisë theu në fillim xhamin e makinës dhe ndihmoi gruan, e cila fatmirësisht shpëtoi pa lëndime të mëdha.
