Interi ka triumfuar në derbin e parë të këtij sezoni të Serie A. Zikaltërit fituan pa probleme me rezultatin 5-1 përballë Milanit.
Një Inter që e nisi pjesën e parë mjaft mirë duke kaluar në avantazh që në minutën e 5’ me anë të Mkhitaryan. Teksa në minutën e 38’ shënoi Thuram për të dërguar ekipin e tij në dhomat e zhveshjes me avantazh të dyfishtë.
Me fillimin e pjesës së dytë u duk se Milani kishte hyrë me mendje tjetër duke gjetur golin me Leaon në minutën e 57’.
Por Interi “fiku” shpresat e kuqezinjve duke shënuar me Mkhitaryan në minutën e 69’, Calhanoglu me penallti në minutën e 79’ dhe Frattesin në minutën e 93’.
Një fitore që vlen shumë për Interin, jo vetëm si një 3 pikësh i rëndësishëm, por edhe nga ana psikologjike duke ditur rëndësinë e një derbi.
