IZRAEL- Fjalimi i deputetit arabo-izraelit, Ayman Odeh në Knesset përfundoi me një incident, kur punonjësit e parlamentit izraelit e larguan me forcë nga foltorja pasi ai kaloi disa minuta duke dënuar sulmin e Izraelit në Gaza.
“Ju jeni shumë të dobët. Pas 1 viti e gjysmë lufte në të cilën vratë 19,000 fëmijë dhe 53,000 civilë, shkatërruat universitetet dhe nuk keni asnjë fitore politike për këtë. Nuk keni asnjë përfitim politik dhe për këtë arsye jeni çmendur”, tha ndër të tjera deputeti i partisë Hadash, duke shkaktuar reagime të forta dhe mosmiratim nga deputetët e tjerë.
Pas këtij incidenti deputeti reagoi përmes një postimi në “X”, ku shprehej se u nxorr nga salla e parlamentit jo sepse sjhkeli rregullat, por sepse tha të vërtetën.
“Më nxorën me forcë nga salla e Parlamentit, jo sepse shkela ndonjë rregull, por sepse thashë të vërtetën. Shtatëdhjetë e shtatë vjet pas Nakbës, bota po dëshmon një Nakba të dytë që po zhvillohet në Gaza. Mund të përpiqeni të më heshtni, por nuk mund ta heshtni popullin palestinez, as britmën e botës”, shkroi deputeti arabo-izraelit në një postim.
