Presidenti amerikan pati një incident të vogël teksa përfundonte udhëtimin e tij tre-ditor në Evropë, në të cilin përfshihej vizita e fshehtë në Ukrainë dhe një ndalesë pasuese në Poloni.
Këtë herë presidenti 80-vjeçar amerikan është penguar nga shkallët e avionit.
Të martën, bashkëpunëtorja e presidentit amerikan, teksa zbriste nga shkallët e Air Force One, humbi ekuilibrin për pasojë u rrëzua përtokë.
Skena u përsërit, por pak më ndryshe, me protagonist vetë presidentin amerikan. Biden po ecte shkallëve për të hipur në aeroplan dhe pak para se të arrinte te dera ai u rrezua.
Askush nuk ishte pranë tij ta ndihmonte, por nuk kishte nevojë pasi u ngrit pothuajse menjëherë dhe shkoi brenda në avion.
Kujtohet se udhëtimi i presidentit 80-vjeçar ishte një fluturim të fshehtë 10 orësh, deri në Poloni dhe më pas në Ukrainë me tren.
Nuk është hera e parë që presidenti amerikan pengohet në shkallët e Air Force One. Rënia e tij e parë ishte dy muaj pas marrjes së detyrës, ndërsa qershorin e kaluar kishte rënë nga biçikleta.
