Janë të pamposhtur. “Aspirinat” e Bayer Leverkusen kanë arritur një tjetër fitore të madhe mbrëmjen e kësaj të enjteje, teksa kanë mundur në “Stadio Olimpico”, “Verdhekuqtë” e Roma, në sfidën e parë gjysmëfinale, të UEFA Europa League, me rezultatin e pastër, 2 me 0, duke qëndruar me “një këmbë” në finalen e madhe të kompeticionit.
Nga një gol në secilën pjesë mjaftoi për djemtë e teknikut, Xabi Alonso, teksa ishte fillimisht Florian Wirtz, me një gol në minutën e 28’-të, të pjesës së parë të sfidës dhe në të 73’-të, “shkatërruesi” gjerman, Robert Andrich dyfishoi shifrat me një goditje spektakolare, nga jashtë zone, duke i dhënë djemve, të De Rossi goditjen e dytë.
Megjithatë mund të thuhet se për këta të fundit ka ende shpresë, pavarësisht se përqindja është shumë vogël, teksa kujtojmë se “bileta” për në finalen e madhe, të Dublinit do të sigurohet vetëm pas sfidës së kthimit, që do të zhvillohet mbrëmjen e 8 majit, në “mitikun” gjerman, të “BayArena”, ku sërish favorit janë “Aspirinat” e Xabi Alonso.
SHIKONI GOLAT:
