Një punonjës 30-vjeçar i një çerdheje në Britani, Nathan Bennett, është arrestuar nën akuza për abuzim seksual me të paktën pesë fëmijë të vegjël. Video nga Daily Mail tregon momentin e arrestimit të tij, kur policia e njofton për akuzat.
Bennett përballet me dënime të rënda që përfshijnë tetë akuza, si përdhunim dhe sulm seksual, që lidhen me fëmijë të moshës dy dhe tre vjeç. Ai kishte pranuar gjithashtu 13 akuza të tjera që lidhen me katër prej viktimave.
Alarmi për sjelljen e tij kishte rënë në shkurt të vitit të kaluar, kur drejtoria e çerdhes e kishte parë nëpër kamerat e sigurisë duke vepruar në mënyrë të dyshimtë me një fëmijë. Pas kësaj, Bennett u largua menjëherë nga çerdhja dhe policia e Avon dhe Somerset nisi një hetim që përfundoi me arrestimin e tij. Çerdhja u mbyll, ndërsa prindërit kërkuan përgjegjësi për dështimin e sistemit të mbrojtjes.
Një prokurore përshkroi rastin si një “makth për çdo prind”, duke theksuar rëndësinë e një hetimi të plotë dhe të shpejtë në raste të tilla. Bennett kishte filluar punë në çerdhe në korrik të vitit 2024 dhe kishte treguar stafit se ishte autik, megjithëse kjo nuk kishte qenë kurrë e dokumentuar. Ndërkohë, stafi kishte vërejtur sjelljen e tij të dyshimtë, përfshirë uljen e tij me fëmijët për periudha të gjata.
Gjatë gjyqit, intervistat me disa prej fëmijëve u paraqitën, dhe nëna e njërit prej tyre dëshmoi për abuzimin e raportuar nga djali i saj. Bennett mohoi akuzat dhe tha se po “imitonte” atë që kishte përjetuar si fëmijë.
Përveç 13 akuzave të pranuara nga ai, gjyqtari William Hart urdhëroi që Bennett të mbahej në paraburgim deri në dënimin e tij më 16 mars. Familjet e viktimave shprehën zemërimin dhe tronditjen e tyre, duke kërkuar një rishikim të sistemit të mbrojtjes për fëmijët për të siguruar që ngjarje të tilla të mos ndodhin më.
