Dy dëshmitarë okularë kanë ofruar dëshminë e tyre për të shtënat fatale ndaj infermierit 37-vjeçar Alex Pretty në Minneapolis. Ata kanë konfirmuar nën betim se Pretty nuk mbante armë kur iu afrua agjentëve federalë të ICE, duke sfiduar versionin zyrtar të administratës Trump që e shpalli ngjarjen si një akt vetëmbrojtjeje. Dëshmitë u dorëzuan në gjykatën federale në Minnesota, një ditë pas incidentit.
Dëshmitarja kryesore, një grua që regjistroi momentet e ngjarjes, e përshkroi skenën tepër tensionuese. Ajo tha se Alex ishte duke tentuar të ndihmonte një grua tjetër të shtyrë nga agjentët kur u qëllua. Sipas saj, agjentët e spërkatën me sprej kimik, dhe ajo tha se nuk e pa Pretty të mbante armë, duke theksuar se ai po përpiqej të ndihmonte dhe se nuk kishte asnjë lloj kërcënimi ndaj agjentëve. Ajo e përshkroi momentin duke thënë se ai u hodh përtokë dhe u qëllua shumë herë nga disa agjentë.
Dëshmitari i dytë, një mjek 29-vjeçar, gjithashtu e panë ngjarjen nga dritarja e apartamentit të tij. Ai tha se, para të shtënave, e pa Pretty duke bërtitur, por asnjëherë nuk e pa atë duke bërë një akt agresiv. Pasi ndodhi incidenti, mjeku tha se iu mohua qasja për të ofruar ndihmë mjekësore për viktimën, ndërsa agjentët nuk kryenin procedurat e nevojshme.
Dëshmia e këtyre dëshmitarëve kontraston me pretendimet e zyrtarëve të lartë të administratës Trump, të cilët kishin përshkruar Pretty si një “sulmues të armatosur”. Vrasja e tij ka shkaktuar protesta të mëdha në të gjithë vendin, me mijëra njerëz që dolën në rrugë në qytete si San Francisco, Los Angeles, dhe New York për të kërkuar drejtësi. Protestat u intensifikuan ndaj veprimeve të ICE dhe në përkrahje e komuniteteve të prekuara nga politike të tilla.
Të dy dëshmitarët, emrat e të cilëve janë mbajtur të fshehtë, ofruan një perspektivë të rëndësishme mbi ngjarjen, duke e sfiduar narrativën zyrtare dhe duke i dhënë zë shqetësimeve për veprimet e agjencive në terren.
