Kolegji Zgjedhor ka vendosur që të përsëriten zgjedhjet në Rrogozhinë, presidenti duhet të shpallë datën e zgjedhjeve brenda 4 javëve.
Me kërkesë të koalicionit “Bashkë Fitojmë” për manipulim të votave KAS vendosi hapjen e kutive, duke rikthyer garën mes Edison Memollës, i cili fitoi zgjedhjet me vetëm 23 vota më shumë kundër kandidatit të koalcionit “Bashkë Fitojmë”, Shkëlqim Hoxha.
Bashkia e Rrogozhinës u fitua nga kandidati socialist Edison Memolla me diferencë të vogël votash përballë rivalit të tij Shkëlqim Hoxha.
Ky i fundit bëri akuza se rezultati u përmbys te kutia ku votonin të burgosurit e Rrogozhinës, duke pretenduar për parregullsi dhe manipulime.
