Belina Pupa, bashkëshortja e aktorit të njohur Elvis Pupa, është shpallur e pafajshme nga Gjykata e Australisë lidhur me akuzat për kultivim lëndësh narkotike në një banesë të regjistruar në emrin e saj. Pas disa muajsh procesi gjyqësor, vendimi i gjykatës e konfirmoi pafajësinë e saj. Pas këtij vendimi, Elvisi shpërndau lajmin në Instagram, duke falënderuar ata që e mbështetën gjatë kësaj periudhe, me një mesazh ku shprehte, “Faleminderit të gjithëve për mbështetjen. Mos paçi të tilla raste që t’jua shpërblejmë.”
Belina u përball me akuzat më 23 maj të këtij viti, kur autoritetet australiane e dyshuan për implikim në kultivimin e lëndëve narkotike dhe lidhje të paligjshme me energjinë elektrike. Ajo sqaron se ambienti ku ishin evidentuar shkeljet ishte pronë e saj, por ishte dhënë me qira.
Gjithashtu, pati dyshime se Elvis Pupa ishte përfshirë në të njëjtën çështje, dhe për këtë arsyen, ai u raportua si i kërkuar nga organet përkatëse. Megjithatë, aktori hodhi poshtë këto aludime dhe foli për manipulimet që u bëheshin ngjarjes.
Megjithëse çështja kishte shkaktuar kaos në jetën e çiftit, vendimi i gjykatës sjell një lehtësim për ta, teksa ata përballen me pasojat e akuzave dhe vazhdojnë jetën e tyre normale.
