TIRANË- Dy ditë më parë është zbardhur vendimi i plotë i Apelit të Gjykatës së Posaçme për lënien në burg të kryebashkiakut Erion Veliaj.
Në një pjesë të vendimit, thuhet se një ndër provat e BKH dhe SPAK është edhe një deklaratë e kryeministrit Edi Rama në një nga mbledhjet e grupit parlamentar të Partisë Socialiste.
Ndërkohë në vendimin e plotë të siguruar nga Dosja.al thuhej se kërkesa e SPAK për të lënë në burg kryebashkiakun e Tiranës u pranua mbi arsyetimin se Erion Veliaj paraqet rrezik real për pengimin e hetimeve.
PJESË NGA VENDIMI:
Konkretisht, nga provat e administruara kanë rezultuar disa postime, siç do të përshkruhen në vijim. Nga procesverbali për këqyrjen dhe marrjen e të dhënave nga burimet e hapura (interneti), i datës 01.03.2023, e mbajtur nga hetuesi i Byrosë Kombëtare të Hetimit, fillimisht pasqyrohet një postim në faqen Facebook të personit nën hetim Erion Veliaj, i të njëjtës datë, ku ai hedh akuza rreth procesit të filluar kundër tij. Më tej vijon me një postim ku ky person nën hetim përdor shprehje ironike ndaj prokurorit Ols Dado. Vijon me postimin e datës 28.02.2025, në të cilin presoni nën hetim Erion Veliaj përdor shprehje fyese ndaj prokurorit Ols Dado dhe gjyqtarit Erjon Bani. Vijohet me postimin e datës 26.02.2025, ku personi nën hetim përdor sërish shprehje fyese ndaj prokurorit Ols Dado dhe gjyqtarit Erjon Bani. Vijon me postimin e datës 25.02.2025, ku personi nën hetim përdor disa herë shprehje fyese ndaj prokurorit Ols Dado. Vijon me postimin e datës 22.02.2025, ku personi nën hetim përdor disa herë shprehje fyese ndaj prokurorit Ols Dado si dhe në një rast ndaj gjyqtarit Erjon Bani. Vijon me postimin e datës 18.02.2025, ku personi nën hetim përdor disa herë shprehje fyese ndaj prokurorit Ols Dado si dhe në një rast ndaj gjyqtarit Erjon Bani. Vijon me postimin e datës 16.02.2025, ku personi nën hetim përdor disa herë shprehje fyese ndaj prokurorit Ols Dado si dhe në një rast ndaj gjyqtarit Erjon Bani. Në fund, ky procesverbal pasqyron një shkrim të gazetarit Mero Baze, të datës 28.02.2025, të botuar në Gazeta Tema, me titull “Standardet etike të Veliajt ndaj prokurorit dhe standardet ligjore të prokurorit ndaj Veliajt”.
Nga procesverbali i këqyrjes së audio – videos në platformën Youtube, të mbajtur më datë 26.02.2025, nga hetuesit e Byrosë Kombëtare të Hetimit, është pasqyruar një pjesë nga fjalimi i Kryeministrit, të pasqyruar në median Top Channel, me titull “Kam një sugjerim për SPAK”.
DEKLARATA E RAMËS:
