Një vendim historik dhe i rëndësishëm i marrë nga UEFA këtë javë. Për herë të parë në futbollin europian, një ndeshje në nivel ndërkombëtar do të gjykohet nga një gjyqtare transgjinore.
Quhet Sapir Berman, është 30 vjeç dhe është ndër më të mirat në profesion në vendin e saj, Izrael. Ajo shpalli tranzicionin e saj në vitin 2021 dhe që atëherë ka vijuar normalisht karrierën.
Kjo arbitre do të gjykojë ndeshjen kualifikuese për Kampionatin Evropian të Femrave U17 mes Irlandës së Veriut dhe Malit të Zi, e cila do të luhet sot në 17:30, teksa të shtunën më 23 në orën 11:00 kombëtarja e re malazeze do të arbitrohet sërish nga Berman në ndeshjen kundër Kazakistanit.
