Vëllai i Bekim Halilaj, 29-vjeçari i gjetur i varur në Bruksel, sqaron rrethanat e ngjarjes. Ai hedh poshtë spekulimet për lidhje kriminale dhe thekson se vdekja e tij lidhet me vetëvrasje për shkak të depresionit. Në një intervistë për “Breaking” me Dafina Hysën në Top News, ai tregoi se autoritetet belge kanë përfunduar autopsinë, e cila konfirmon këtë version dhe nuk ka zbuluar shenja dhune në trupin e të ndjerit.
Redi Halilaj shpalli se disa anëtarë të familjes kishin marrë mesazhe nga Bekimi pak para ngjarjes, duke u shprehur se këto mesazhe bënë që ata të dyshonin për gjendjen e tij emocionale. Ai kërkoi që mediat të mos e interpretojnë gabim rastin, duke insistuar në faktin se policia e ka informuar për çdo detaj.
Avokatja Enida Rrapai pohoi se çështja ka një intensitet të lartë dhe se pista kryesore e hetimit është ajo e vetëvrasjes. Ajo theksoi se vetëm anëtarët e familjes kanë mundësi të kenë informacion të detajuar lidhur me ngjarjen.
Bekim Halilaj u gjet i pajetë më 30 shtator në Bruksel, në rrethana të paqarta, me trupin e tij të zbuluar i varur në një tabelë sinjalizimi rrugor. Sot, familjarët i dhanë lamtumirën e fundit në vendlindjen e tij në fshatin Bicaj të Kukësit.
