Vëllai i Redi Halilajt, i ndjeri Bekim, që u gjet i varur në Bruksel më 30 shtator, ka hedhur poshtë spekulimet për lidhje me çështje kriminale, duke theksuar se ngjarja ka të bëjë me vetëvrasje për shkak të depresionit. Në një intervistë për “Breaking” në Top News, Redi sqaroi se autopsia, e kryer nga autoritetet belge, konfirmoi vdekjen nga vetëvrasja dhe nuk zbuloi shenja dhune në trupin e Bekimit.
Ai theksoi se disa anëtarë të familjes kishin marrë mesazhe nga Bekimi para ngjarjes, që i kishin bërë të dyshonin për gjendjen e tij emocionale. “Nuk e dimë çfarë probleme ka pasur, por mesazhet e tij na kanë bërë të mendojmë se kishte rënë në depresion,” shprehu Redi.
Avokatja Enida Rrapai, që po ndjek çështjen, nënvizoi se pista kryesore e hetimeve është vetëvrasja. Ajo theksoi se informacion të detajuar për ngjarjen mund të kenë vetëm anëtarët e familjes, të cilët mund të regjistrohen si palë civile në proces.
Bekim Halilaj, 29 vjeç, nga fshati Bicaj i Kukësit, u zbulua i pajetë në një tabelë sinjalizimi rrugor, në rrethana ende të paqarta. Pas ngjarjes, familjarët i dhanë lamtumirën e fundit në vendlindje.
