Izolimi i Eglës vazhdon ende të përflitet nëpër rrjetet sociale, sidomos pas pamjeve të cilat u bënë virale ku aktorja është fotografuar jashtë shtëpisë duke ecur rrugëve të Tiranës. Ditën e sotme foto të tjera janë publikuar nga vëllai i Jul Dedës, Mario Deda, me anë të një story në rrjetin social “Instagram” ku shkruan se 48-orëshi i Eglës në dhomën e bardhë është mashtrim, teksa publikon një foto tjetër të Eglës duke hipur në një makinë.
POSTIMI
Por në fakt në pamjet e publikuara nga vëllai i Jul Dedës, nuk është Egla. Imazhi rezulton të jetë shkrepur në Nju Jork në 23 dhjetor të vitit 2023 dhe ndodhet në postimet e një faqeje ‘Instagrami’ amainievee.board.
Para tre ditësh produksioni i “Big Brother VIP3” publikoi një video tek e cila dukej Egla që qëndron në një dhomë tërësisht të bardhë, vetëm. Mbrëmjen e kaluar gjatë spektaklit, Eglës iu bashkuan në dhomën e bardhë edhe Ilnisa dhe Meritoni, pas leximit të zarfit të zi. Të tre konkurrentët që u përjashtuan pas përplasjeve të forta mes tyre ku Meritoni dhe Ilnisa përndiqnin aktoren, ndërsa kjo e fundit i derdhi verën në kokë moderatorit, do të bashkëjetojnë së bashku, deri në një vendim të publikut se cilin prej tyre do të largojë nga loja.
