Një vajzë 22-vjeçe ndërroi jetë mesditën e sotme në Tiranë. Ajo ishte duke udhëtuar me të atin në makinë kur rreth orës 13:00, te kthesa e Valiasit u përplas nga një tjetër automjet.
Vajza u dërgua ne shpejtësi në spital, por nuk mundi që të mbijetonte. I ati është në kujdesin e mjekëve. Drejtuesi i makinës tjetër është arrestuar.
“Më datë 03.09.2023, rreth orës 13:00, te kthesa e Valiasit, janë përplasur automjeti me drejtues shtetasin H. S., me automjetin me drejtues shtetasin Sh. O., (babai) dhe pasagjere shtetasen F. O., 22 vjeçe (vajza).
Si pasojë e aksidentit shtetasja F. O., ka ndërruar jetë në spital, ndërsa drejtuesi i mjetit, shtetasi H. S., është shoqëruar në komisariat për veprime të mëtejshme procedurale” njofton policia.
Grupi hetimor po punon për sqarimin e rrethanave të aksidentit.
