Sarah Beckstrom, një anëtare 20-vjeçare e Gardës Kombëtare, ka ndërruar jetë pas plagëve të marra nga një sulm me armë në Uashington DC. Lajmin e konfirmoi Presidenti Donald Trump, duke shprehur ngushëllimet për humbjen e jetës së saj. Një tjetër ushtar, 24-vjeçari Andrew Wolfe, mbetet në gjendje kritike pas sulmit.
Incidenti ndodhi të mërkurën pasdite pranë Sheshit Farragut, vetëm disa blloqe larg Shtëpisë së Bardhë, ndërsa dy pjesëtarët e Gardës ishin në detyrë për të patrulluar zonën. Autoritetet arrestuan të dyshuarin, 29-vjeçarin Rahmanullah Lakanwal, një shtetas afgan që kishte mbërritur në Shtetet e Bashkuara në vitin 2021 nën programin “Mirë se vini aleatët”. Lakanwal kishte një histori të mëparshme pune me CIA-n dhe me forcat partnere në Afganistan.
Prokuroria ka njoftuar se Lakanwal do të përballet me akuza për sulm me qëllim vrasjeje dhe posedim armësh gjatë kryerjes së një krimi. Në rast se Wolfe nuk arrin të mbijetojë, akuzat do të rëndohet me “vrasje të shkallës së parë”, duke shtuar presionin për dënime të rrepta. Kjo ngjarje ka sjellë reagime të forta, duke e theksuar situatën e sigurisë në kryeqytet, ku Garda Kombëtare ka rritur praninë e saj për të përballuar rritjen e kriminalitetit.
Rasti vjen në një kohë kur tensionet janë të larta dhe kaq shumë vëmendje po i kushtohet situatës të sigurisë publike në Uashington, duke nxjerrë në pah shqetësimet për mbrojtjen e ushtarëve që janë angazhuar në mbrojtjen e qytetit.
