Kreu i PD, Sali Berisha ka reaguar sërish për vdekjen e 32-vjeçarit Lear Kurti pasi u shoqërua nga policia. Berisha tha se policët janë sjellë “shtazërisht” me 32-vjeçarin, teksa e quajti ngjarjen vrasje shtetërore.
“Prisni kur të na thonë se në një pellg atje ishte një revole. E kanë ndjekur se s’paraqiti dokumentin në një distancë të gjatë e kanë kapur.
E kanë futur në makinë, janë sjellë shtazërisht dhe burimi thotë se ne komisariat e kanë sjellë pa ndjenja ose të vdekur.
Nuk kanë marrë autoambulancë për ta çuar në spital, e dërguan me makinë në spital, de fakto në morg. Gjithçka tregon se është dora kriminale e vrasësve me uniformë që i morën shpirtin një 32-vjeçari në Tiranë”, tha Berisha jashtë Kuvendit.
