Kryeministri Edi Rama ka reaguar në lidhje me ndarjen nga jeta të liderit historik të Partisë Socialiste, Fatos Nano. Në një postim në Facebook, Rama ka shprehur ngushëllime dhe nderim për Nanon me frazën: “Lamtumirë kryetar”.
Fatos Nano, i njohur për rolin e tij të rëndësishëm në politikën shqiptare, ndodhej për një kohë të gjatë në një spital privat, ku po trajtohej për probleme shëndetësore. Gjendja e tij shëndetësore u rëndua gjatë ditëve të fundit, dhe ai pësoi një arrest kardiak. Para kësaj, Nano kishte patur gjithashtu shqetësime me frymëmarrjen.
Njoftimi për ndarjen e tij nga jeta ka sjellë një valë ngushëllimesh nga figura të ndryshme politike dhe publike, të cilat e njohin ndikimin e tij në zhvillimet politike të vendit.
