Pas lajmit se klinika “Spelndent”, ku humbi jetën 3-vjeçari Brian Spahiu, ishte pa licencë, Ina Xhaxho ka zgjedhur të reagojë në rrjetet sociale dhe të sulmojë gazetarët, të cilët i etiketon si gjobaxhinj, që sulmojnë pasi nuk kanë marrë asgjë nga ajo dhe babai i saj Roland Xhaxho. Përmes një postimi në “Instagram”, ku ka publikuar dhe lecencën, ajo shkruan se askush nuk mund të punojë 12 vite pa pasur licensën përkatëse, ndërsa ka një mesazh dhe për të gjithë ata që mallkojnë në rrjet. Ajo shprehet se nuk është kriminele ndërsa qytetarët i quan të keqinformuar mediatikisht.
Ina Xhaxho: Në fillim babain ma bën dentist, pastaj kirurg, derisa mësuan termin kardioanestezist. Pastaj klinikë kërpudhash, derisa mësuan se jemi spital. Pasi Inën e bëtë kriminele, doli që Ina nuk ka qenë fare prezente gjatë kohës së ndërhyrjes. E ndërsa tani, të gjithë gjobaxhinjtë, të cilët nuk morën asgjë nga ne, ngelën pa lajmë nxorrën një tjetër lajm. E në fakt a të lejojnë 12 vite të punosh në spital pa license? O ju gazetarë që keni diploma vazhdoni dhe bëni lajme. O popull i keqinformuar mediatikisht mos mallkoni kot pa ditur të vërtetën, se kriminel quhet dhe ai që mallkon.
Vdekja e Brian
Gjithçka ndodhi në datën 28 shtator. I vogli u dërgua në klinikë dhe iu nënshtrua ndërhyrjes kirurgjikale për gjashtë orë. Sipas dëshmive, mjeku anestezist Roland Xhaxho u kishte garantuar familjarëve se procedura ishte një sukses dhe fëmija iu është dorëzuar familjarëve për ta marrë në shtëpi rreth orës 19:00, sipas tyre po në gjendje të pavetëdijshme.
Menjëherë pas dërgimit në banesë, djalit i është rritur edhe temperatura, gjë që ka alarmuar prindërit të cilët e kanë dërguar më pas në Pediatrinë e QSUT-së, ku Brian është intubuar për shkak se sipas mjekëve, mëlçia e tij kishte dalë jashtë funksionit. Ai ka qëndruar në terapi, e cila nuk ka dhënë rezultat dhe më 1 tetor, i vogli ka humbur jetën.
