Kreu i Partisë Demokratike Sali Berisha e ka quajtur “vrasje shtetërore” vdekjen e 32-vjeçarit mbrëmjen e djeshme në Tiranë.
Berisha theksoi se ai u ndoq nga banditët e Ramës (referuar policëve) dhe u torturua në makinën e policisë. Teksa shprehu ngushëllimet e tij ndaj familjes së të ndjerit, Berisha u bëri thirrje të rinjve që të dalin në protesta të fuqishme kundër kësaj vrasjeje mizore.
Berisha: Ky është një krim, një vrasje shtetërore e shëmtuar e banditëve të Edi Ramës dhe ministrit të tij të familjes. Me këtë rast unë i shpreh ngushëllimet më të ndjera familjes së të ndjerit dhe dënoj këtë akt kriminal të përsëritur të vrasësve me uniformë për të cilët nuk ekziston asnjë lloj norme ligji apo morali.
Është akti i disatë që banditët me uniformë marrin jetë të rinjsh në rrugë e komisariat, është dëshmi tjetër që qeveria udhëhiqet nga një bandë. U bëj thirrje të rinjve të ngrihen fuqishëm në një protestë të madhe kundër kësaj vrasjeje mizore e me torturë. E kanë vdekur në makinë e kanë çuar të vdekur në spital, dhe refuzojnë e të mbajnë një minuttë heshtje, edhe ky është një akt i shëmtuar. Nuk janë rastësi këto përsëritje periodike, policia embushur me vrasës dhe trafikantë, me patronazhistë kriminelë.
Po të marrësh harkun kohor 18 mujor ka më shumë vrasje se në SHBA dhe Europë të mara së bashku, ndaj protesta është e vetmja rrugë. Sot është protesta kombëtare e universiteteve, jam në mbështetjre të plotë.
