Tracy Reiner, vajza e Rob Reiner, ka shprehur tronditjen e saj pas vdekjes së papritur të babait dhe gruas së tij, Michele Singer Reiner. Rob Reiner, 78 vjeç, dhe Michele, 68 vjeç, u gjetën të vdekur në shtëpinë e tyre në Brentwood të Los Angeles, në një incident që dyshohet se përfshin një vrasje të dyfishtë me plagë me thikë.
Tracy, vajza e adoptuar nga martesa e Reiner me Penny Marshall, tha: “Unë vij nga familja më e mirë që ka ekzistuar ndonjëherë. Nuk di çfarë të them. Jam e shokuar.” Pas ngjarjes, djali i çiftit, Nick Reiner, është arrestuar nën dyshimin për vrasje.
Familja Reiner ka lëshuar një deklaratë shprehur hidhërimin për humbjen e Michele dhe Robit, duke kërkuar privatësi gjatë këtij momenti të vështirë. Rob Reiner, i njohur si një emër i madh në industrinë e filmit, u bë i famshëm për rolin e tij si Michael “Meathead” Stivic në sitcom-in “All in the Family” në vitet ’70. Ai ka regjistruar një karrierë të gjatë, duke luajtur në filma të njohur si “A Few Good Men”, “Stand By Me”, “The Princess Bride” dhe “Misery”.
Reiner debutoi si regjisor në vitin 1984 me filmin dokumentar “This Is Spinal Tap” dhe ka regjistruar suksese të tjera si “When Harry Met Sally”, ku u njoh me Michele. Çifti u martua në vitin 1989 dhe patën tre fëmijë: Nick, Jake dhe Romy. Gjatë martesës së tij me Penny Marshall, e cila ndëroi jetë në vitin 2018, Rob kishte adoptuar Tracy.
Nick Reiner kishte punuar me të atin në filmin “Being Charlie”, ku ka folur hapur për betejat e tij me varësinë dhe mungesën e strehimit. Ngjarjet tragjike në familjen Reiner kanë tronditur jo vetëm ata, por dhe komunitetin e gjerë të Hollywood-it, ku Rob Reiner njihej si një figurë e respektuar dhe ndikuese.
