TIRANË- Jamarbër Malltezi, dhëndri i kryedemokratit Sali Berisha ka folur lidhur me vendimin e Gjykatës së Posaçme për lirimin e tij nga arresti shtëpiak. Në një lidhje me gazetaren Sonila Meço në Syri Tv, Malltëzi sqaroi se nuk mund të dalë përsëri nga banesa deri sa të depozitohet garancia pasurore prej 30 milionë lekësh të vjetra që u caktua nga GJKKO.
Ai është shprehur se në Strasburg janë depozituar tre çështje në emrin e tij, ndërsa shtoi se ka lëvizje nga Gjykata e Strasburgut për rastin e tij.
Lidhur më garancinë pasurore, Malltezi tha se ishtë vendosur që ai mos të largohet nga vendi, po u shpreh se kjo nuk cilësohet si detyrim paraqitje. Duke iu kthyer vendimeve të SPAK, Malltezi tha se nuk ka asnjë kriminel ndaj të cilit të jetë caktuar masë sigurie dhe sekuestro të pasurive e llogarive bankare në të njëjtën ditë. Ai tregoi se pasuritë e sekuestruara të tij arrinin vlerën e mbi 5 milionë eurove.
“Vendimi për mbajtjen në arrest shtëpie ishte absurd. Nuk kishte asnjë fakt penal. Kishte të bënte vetëm me detyrimin për të ndaluar komunikimin me personat e tjerë. Nuk kam pasur asnjë mundësi që të kem një gazetar për një intervistë. Deklaratat e mia ishin deklarative dhe jo komunikative. Në dijeninë time në Strasburg janë depozituar tre çështje në emrin tim. Ka lëvizje nga Strasburgu për këtë çështje. Garancia bankare është 30 milionë lekë, që nuk do të iki por nuk është detyrim për paraqitje. Unë u shpalla armik i PS dhe më sekuestruan 25 llogari bankare dhe pasuri të miat. Unë sfidoj çdo gazetar cilit kriminel prokuroria i ka vendosur masë arresti, sekuestro pasurish ose llogarie bankarë në të njëjtën ditë. Të gjitha pasuritë e sekuestruara janë mbi 5 milionë euro. Ndërsa llogaritë të gjitha bashkë ishin mbi 160 mijë euro.”, tha Malltezi.
