Situata në zonën e Ferrasit, Fier, mbetet e tensionuar për shkak të niveleve të larta të ujit, që janë afër kufirit maksimal të argjinaturës. Reshjet e fundit kanë shkaktuar një rritje të ndjeshme të prurjeve, duke e çuar nivelin e ujit në të njëjtin lartësi me argjinaturën, çka paraqet rrezik për përmbytje.
Për të evituar çdo rrezik të mundshëm, strukturat përgjegjëse bashkë me banorët e zonës kanë ndërmarrë masa shtesë. Ata kanë vendosur thasë me rërë për të forcuar pikat më vulnerabël të argjinaturës. Aktivitetet në terren po vijojnë pa ndërprerje, ndërsa situata po monitorohet nga afër për të parandaluar ndonjë emergjencë.
Kjo situatë i ka vënë në alarm autoritetet dhe banorët, të cilët janë në gatishmëri për çdo zhvillim. Vëmendja është fokusuar në mbrojtjen e zonës dhe minimizimin e dëmeve të mundshme nga përmbytjet.
