ZVICER – Shumë herët në mëngjesin e kësaj të enjteje, lajmi i tmerrshëm i vdekjes së sulmuesit portugez Diogo Jota (28 vjeç) dhe vëllait të tij André Silva (25 vjeç), tronditi botën e futbollit.
Dy futbollistët profesionistë humbën jetën në një aksident me makinë në Palacios de Sanabria, në provincën e Zamorës të Spanjës. Reagimet ishin të menjëhershme, veçanërisht ato të Liverpoolit dhe Federatës Portugeze. Më pas pasuan ato të disa shokëve të tij të ekipit…
Pak minuta më vonë, UEFA dërgoi një mesazh homazhi për dy lojtarët portugezë. “Në emër të komunitetit evropian të futbollit, jemi thellësisht të trishtuar të mësojmë për ndarjen tragjike nga jeta të Diogo Jota, lojtarit ndërkombëtar portugez dhe sulmuesit të Liverpool FC, dhe vëllait të tij André Silva “, tha institucioni evropian.
“Mendimet tona janë me familjen, miqtë, shokët e ekipit dhe të gjithë ata që janë prekur nga kjo humbje zemërthyes.”
UEFA ka njoftuar gjithashtu se do të mbahet një minutë heshtje në të gjitha stadiumet për ndeshjet e Euro 2025 për femra këtë të enjte dhe të premte në nderim të Diogo Jotas dhe André Silvas.
