Një 35-vjeçar është gjetur pa shenja jete këtë të enjte në Lushnjë. Ai ishte shpallur në kërkim prej datës 10 dhjetor nga babai i tij.
Sipas këtij të fundit i biri kishte probleme të shëndetit mendor.
“Rreth orës 17:30, në afërsi të lagjes “18 Tetori”, Lushnjë, është gjetur i pajetë në një pjesë toke(arë), shtetasi M. L., 35 vjeç, banues në Lushnjë, i shpallur në kërkim nga Komisariati i Policisë Lushnjë në datën 10.12.2022, pasi babai i tij kishte bërë kallëzim për largim nga banesa të djalit të tij i cili vuan nga probleme të shëndetit mendor.
Nga këqyrja paraprake nuk janë konstatuar shenja dhune. Pritet ekspertiza mjeko-ligjore për të përcaktuar shkakun e vdekjes,” ka njoftuar policia.
