TIRANË- Zëvendëskryeministrja dhe njëherësh Ministrja e Infrastrukturës dhe Energjisë, Belinda Balluku ka dalë nga SPAK pasi u mor në pyetje pak më pak se 60 minuta. Pas daljes nga SPAK, Balluku tha për gazetarët se në respekt të organeve të drejtësisë, ka pranuar kërkesën e prokurorisë së posaçme për një çështje në hetim.
“Në respekt të organeve të drejtësisë, kam pranuar kërkesën e Prokurorisë së Posaçme për një çështje në hetim. Si qytetare e Republikës së Shqipërisë edhe si zyrtare publike, e shikoj si një proces, një proces i cili jam shpresëplotë që do jetë i bazuar mbi transparencën, llogaridhënien dhe mbi parimet e drejtësisë tek e cila besoj”, tha Balluku.
