GREQIA- Një 48-vjeçar shqiptar u përpoq të rrëmbente një vajzë 4-vjeçare nga krahët e nënës së saj në Kakovatos Zacharos të Greqisë. Sipas mediave vendase, ngjarja ndodhi pranë plazhit, kur nëna, motra dhe gjyshja dolën me fëmijët për një shëtitje.
Raportohet se 48-vjeçari shqiptar e sulmoi gruan në mënyrë të papritur, duke u përpjekur t’ia rrëmbente me forcë fëmijën. Nëna e 4-vjeçares luftoi për ta mbajtur të bijën në krahë, ndërsa motra dhe nëna e saj shkuan drejt tij për ta ndaluar. Sipas mediave greke, britmat u dëgjuan edhe nga një banor, i cili shkoi për ta ndihmuar.
48-vjeçari duke parë reagimin dhe numrin në rritje të kalimtarëve, thuhet se iku dhe u fsheh në një pyll aty pranë. Ai u gjet atje nga policia greke teksa bëri dhe rezistencë gjatë arrestimit.
