KLOS- Të tjera detaje kanë dalë në dritë nga operacioni që SPAK ka zhvilluar në Bashkinë Klos lidhur me krimet zgjedhore. Informacionet paraprake tregojnë se me urdhër të Prokurorisë së Posaçme janë sekuestruar celularët e drejtorit juridik të bashkisë së Klosit, drejtorit të shërbimeve sociale dhe një tjetër drejtori.
Gjithashtu bëhet me dieje se gjatë këtij informacioni janë sekuestruar edhe kompjuterë teksa janë kontrolluar edhe automjete. Drejtorët në fjalë dyshohet se janë përfshirë në krime zgjedhore pasi janë përgjuar komunikime telefonke.
SPAK po heton mbi krimet e mundshme zgjedhore edhe në disa qytete të vendit. Veprat penale të lidhura me procesin zgjedhor janë: Pengimi i subjekteve zgjedhore; Falsifikimi i materialit zgjedhor; Dëmtimi me dashje i materialit zgjedhor; Shkelja e fshehtësisë se votimit; Votimi më shumë se një herë ose pa u identifikuar; Korrupsioni aktiv/pasiv në zgjedhje; Përdorimi i funksionit publik për qëllime politike; Kanosja apo dhunimi ndaj pjesëmarrësve në zgjedhje; Pengimi i zgjedhësit; Braktisja e detyrës nga anëtarët e komisioneve të zgjedhjeve; Shkelja e se drejtës së zgjedhjes; Marrja ose përdorimi i paligjshëm i dokumenteve të identifikimit; dhe Shpërdorimi i autoritetit ushtarak ose policor.
