LEZHË– Dy fëmijët e mitur, të cilët u mbajtën peng nga babai i tyre në zonën e Shkëmbit të Kavajës në Durrës kanë mbërritur në Lezhë, pranë familjarëve të tjerë. Raportohet se atyre u është dhënë ndihmë mjekësore pasi kishin qenë sëmurë. Ndërkohë e ëma e fëmijëve Bardha Marku 32 vjeçe, deklarohet se është nisur nga Italia dhe pritet të mbërrijë pranë tyre.
Aktualisht, 40-vjeçari Aleks Marku ndodhet në ambientin e Komisariatit të Durrësit, ku po kryehen analizat për të përcaktuar nëse ka qenë në efektin e lëndëve psikotrope, ashtu siç pretendon edhe vetë duke theksuar disa herë se “nuk ka qenë i vetëdijshëm” në momentin kur ka qëlluar mbi efektivët e forcave RENEA. Marku portretizohet nga të afërmit e bashkëshortes si një person me probleme, që ushtronte edhe dhunë në familje, ndaj e shoqja kishte vendosur që të largohej drejt Italisë. Duke qenë se ajo është larguar, ai ka marrë fëmijët me forcë nga Lezha dhe është zhvendosur në Durrës. Probleme kishte edhe në Itali, ku ka qenë i dënuar për vjedhje. Për 5 orë banorët e pallatit që ndodhet në zonën e njohur si “Përroi i Agait”, kanë përjetuar orë tmerri nga të shtënat me armë zjarri. Po ashtu dhe fëmijët e mitur, 6 dhe 11 vjeç, të cilët mbaheshin me forcë brenda apartamentit dhe nën kërcënimin e kallashnikovit dhe krismave
