Policia e Shtetit ka publikuar pamjet e operacionit që çoi pas hekurave drejtuesin e prokurorisë së Kukësit Xhevahir Lita, biznesmenin Pëllumb Gjoka, ish-shefin e Forcës Operacionale, Oltion Bistri që akuzohet për nxjerrje të sekretit hetimor, etj. Sipas policisë në kuadër të operacionit të koduar “Metamorfoza” janë ekzekutuar 6 urdhër arreste, si dhe janë shpallur në kërkim 9 persona, mes tyre Behar Bajri, Elion Hato dhe gjashtë të tjerë. Nga hetimet rezulton se të dyshuarit, mes tyre biznesmeni Gjoka janë porositës dhe autor të vrasjes së Gjin Ndojit në Shkodër në gusht të vitit 2020.
Me besimin e një komunikimi të sigurit, anëtarët e grupit kriminal kanë marrë e dhënë porosi për vrasje, planifikuar krime, si edhe raportuar realizimin e tyre në kohë reale. “U kry”, ishte një nga këto mesazhe, ku i tregohej të tjerëve se vrasja ishte realizuar me sukses. Mes komunikimeve të zbardhura është edhe porosia e biznesmenit Gjoka ndaj Bejhar Bajrit për një vrasje.
Ndonëse është përfolur për një shumë 100 mijë euro në këmbim, biznesmeni ka pohuar se mund të jepte edhe 110, shkruan A2. Në të paktën një rast, rezulton se krimi është bërë me “klering”. Njëra palë ka pranuar të kryejë një vrasje për llogari të tjetrës, me kusht që tjetri të kryente një vrasje për llogari të tyre.
Gjithashtu ata akuzohen për vrasjen e mbetur në tentativë të Taulant Pepajt, Kleant Musabelliut, si dhe tentativën për vrasjen e Ibrahim Licit dhe Genc Tafilit në vitin 2020. Gjatë operacionit u arrestuan në flagrancë edhe Sabjan Troshani me Nehat Fojleten për armëmbajtje pa leje dhe veprime që pengojnë zbulimin e së vërtetës. Gjithashtu u sekuestruan kamera kurth, shuma parash, makina të blinduara, arsenal armësh, etj.
Të arrestuarit dhe akuzat;
1- Pëllumb Gjoka 49 vjeç, banues në Tiranë, i dyshuar për veprat penale:
-“Vrasja me paramendim”, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”. Më datë 09.08.2020, në qytetin e Shkodrës, është vrarë Gjin Boriçi.
-“Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Pjesëmarrje në grup të strukturuar kriminal” (në dëm të Kleant Musabelliut).
-“Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Pjesëmarrje në grup të strukturuar kriminal” (në dëm të Dorian Dulit, Ibrahim Licit).
-“Korrupsion aktiv i gjyqtarit, prokurorit dhe i funksionarëve të tjerë të drejtësisë”, kryer në bashkëpunim;
-“Mbajtja pa leje dhe prodhimi i armëve, armëve shpërthyese dhe municionit”, kryer në bashkëpunim, në formën e grupit të strukturuar kriminal.
2- Edmond Preka 46 vjeç, banues në Velipojë, i dyshuar për veprat penale:
-“Vrasje me paramendim”, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”. Më datë 09.08.2020, në qytetin e Shkodrës, është vrarë Gjin Boriçi.
-“Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Pjesëmarrja në grup të strukturuar kriminal” (në dëm të Kleant Musabelliut).
-“Mbajtja pa leje dhe prodhimi i armëve, armëve shpërthyese dhe municionit”, kryer në bashkëpunim në formën e grupit të strukturuar kriminal.
3-Astmer Bilali 34 vjeç, banues në Shkodër, i dyshuar për veprat penale “Sigurimi i kushteve dhe i mjeteve materiale për të kryer vrasje”, kryer në bashkëpunim të veçantë atë të grupit të strukturuar kriminal, “Grupi i strukturuar kriminal” dhe “Pjesëmarrja në grup të strukturuar kriminal” (në dëm të Dorian Dulit, Ibrahim Licit dhe Genc Tafilit).
4- Ardit Hasanbenga 41 vjeç, banues në Tiranë, i dyshuar për veprat penale “Sigurimi i kushteve dhe i mjeteve materiale për të kryer vrasje”, kryer në formë të veçantë te bashkepunimit, ate të grupit të strukturuar kriminal, “Grupi i strukturuar kriminal” dhe “Pjesëmarrja në grup të strukturuar kriminal” (në dëm të Dorian Dulit dhe Ibrahim Licit).
5- Oltion Bistri 41 vjeç, banues në Tiranë, i dyshuar për veprat penale “Shpërdorimi i detyrës” dhe “Zbulimi i akteve ose te dhenave sekrete”.
6- Xhevahir Lita 50 vjeç, për veprat penale “Korrupsioni pasiv i gjyqtarëve, prokurorëve dhe funksionarëve të tjerë të organëve të drejtësise”, kryer dy herë dhe “Grup i strukturuar kriminal”. Sabjan Troshani dhe Nehat Fojeta janë arrestuar për armëmbajtje pa leje.
Në kërkim;
-Behar Bajri Brahovic
-Denis Bajri Brahovic
-Klaudio Haka
-Prek Kodra
-Aleks Ndreka
-Arsat Bashli
-Bardhyl Marvraj
-Elion Hato
