ANGLI- Tre shqiptarë janë burgosur për përfshirjen e tyre në një fabrikë “të sofistikuar” kanabisi të aftë për të prodhuar drogë me vlerë deri në 2.8 milionë funte. Sipas mediave britanike të burgosurit janë Ronaldo Pasha, Bledar Zeqo dhe Elvis Shira të cilët u dënuan me tre vite e 9 muaj burg. Vendimi i mor ditën e martë nga Gjykata e Bradford Crown.
Treshja kishin hynë ilegalisht në Mbretërinë e Bashkuar dhe më pas kishin nisur aktivitetin e tyre me dorgën. Të pandehurit pranuan të gjithë akuzën e prodhimit të kanabisit dhe ata do të dëbohen automatikisht pas vuajtjes së dënimit. Burrat u panë nga një dron policie duke përdorur shkallët për të kapërcyer një çati xhami në kantierin e Carlton Works përpara se të përpiqeshin të largoheshin nga zjarri.
Gjykatës iu tha se policia gjeti 18 dhoma rritjeje, të pajisura me pajisje të shumta dhe më shumë se 5,000 bimë kanabisi në vendin në rrugën Savile Park. Është vlerësuar se bimët mund të kishin prodhuar më shumë se 280 kg kanabis dhe ngarkesa do të kishte një vlerë në rrugë midis 2.4 dhe 2.8 milion £.
Pasha ishte burgosur më parë në vitin 2022 për prodhim kanabisi, ndërsa të pandehurit e tjerë nuk kishin asnjë dënim të mëparshëm. Zeqo dhe Shira u shprehën para Gjykatës se ata ishin përfshirë në operacion për shkak të borxheve.
