Efektivi i policisë Rrugore, Florenc Bicerri ra në prangat e autoriteteve në Turqi pasi u kap me lëndë narkotike, por si duket vendimi për largimin e tij nga puna është diskutuar para arrestimit të bujshëm.
Efektivi udhëtoi drejt Turqisë më 5 tetor, ndërsa mësohet se vendi i tij i punës ishte në pikëpyetje që prej datës 8 tetor.
Burime bëjnë me dije që komisariati rrugor në Tiranë kishte nisur procedurën për largimin nga puna të Bicerrit për mosparaqitjen e tij në detyrë.
Bicerri ka qenë i shoqëruar me shtetasin Kujtim Çeliku në momentin e arrestimin në Turqi, ndërsa dyshohet se droga ka kaluar nga aeroporti i Rinasit.
Gjatë operacionit ka rënë në pranga dhe një tjetër shqiptar, i identifikuar si Adrian Qirici. Pas arrestimit të policit të rrugores për trafik ndërkombëtar droge, AMP ka nisur hetimet.
