PISA- Një 31-vjeçar shqiptar është vënë pranga ditën e sotme në Pisa të Italisë pasi u kap me 6 blloqe kokaine me peshë afërsisht 5.9 kg.
Arrestimi i tij erdhi pasi u ndalua nga policia e Pisës, ku oficerët vunë re që diçka nuk shkonte pasi ai u shfaq nervoz dhe nuk dha shpjegim për itinerarin e lëvizjeve të tij të dyshimta.
Ndërkohë nga kontrolli i mëvonshëm i banesës së shqiptarit në Cascina, u gjetën afërsisht 6,800 euro në para të gatshme, si dhe mjete të dobishme për prerjen dhe paketimin e substancës narkotike.
31-vjeçari u vu në pranga për posedim të lëndëve narkotike me qëllim shpërndarjen e tyre, ndërsa rasti do t’i kalojë Prokurorisë Publike në Gjykatën e Pizës për vërtetim gjyqësor.
