Ushtari i Bazës së mbështetjes dhe emergjencave Civile, Ernesto Leka, ka humbur jetën pas luftës me sëmundjen e rëndë.
Pavarësisht përpjekjeve të familjarëve dhe Ministrisë së Mbrojtjes, ai fatkeqësisht nuk mundi t’ia dalë në betejën me sëmundjen e rëndë, duke mbyllur sytë në një moshë të re, në një nga spitalet e Turqisë, aty ku dhe ishte dërguar për kurim.
Lajmin e trishtë e ka dhënë vetë Ministria e Mbrojtjes përmes një postimi në rrjetet sociale. Të pikëlluar nga kjo humbje e madhe, Ministria i shpreh ngushëllime familjarëve dhe kolegëve të Ernestit.
