TIRANA– Gjykata e Shkallës së Parë e Juridiksionit të Përgjithshëm në Durrës ka dhënë sot masat e sigurisë për shtatë personat e arrestuar dy ditë më parë gjatë një operacionit të forcave speciale ‘Enigma’ në zonën e Gjirit të Lalzit.
Pas shqyrtimit të provave dhe kërkesës së prokurorisë, trupa gjykuese vendosi masën “arrest me burg” për Xhevdet Plakun, i njohur ndryshe si ‘Akili’. Ky i fundit rezulton të jetë arratisur nga një burg në Itali në janar të këtij viti. Ndërkohë në të njëjtën masë sigurie u caktuan edhe shtetasit Flobenc Meçja, Voltan Xhani, Jugert Xhani dhe Ortion Hasani.
Sakaq për Alfred Hasanaj, u caktua një masë më e lehtë “detyrim paraqitje”. Ai është i detyruar të paraqitet çdo të hënë në orën 10:00 pranë Policisë Gjyqësore dhe i ndalohet dalja jashtë shtetit pa lejen e gjykatës, ndërkohë që pasaporta e tij është sekuestruar.
