SARANDA- Ervis Cukali është njëri prej 3 të arrestuarve mbrëmjen e shkuar në Sarandë gjatë një aksioni që u krahasua në media me skenat si nëpër filma.
Cukali në fakt nuk është një emër i njohur për policinë pasi ky i fundit në vitin 2023 u shpall në kërkim si bashkëpunëtor i Albi Meçinit, i cili është arrestuar si i dyshuar për rrëmbimin e bujshëm të Leonard Theodhorit dhe Fatmir Sulovarit në Sarandë.
Sipas policisë 27-vjeçari dyshohej se do të kryente vrasje për llogari të një grupi kriminal. I riu mësohet se ishte shpallur në kërkim me akuzat për “Sigurimi i kushteve dhe i mjeteve materiale për të kryer vrasje” dhe “Mbajtja pa leje dhe prodhimi i armëve luftarake”.
Gjithashtu në vitin 2022 Cukalit iu gjet 21 kg eksploziv, ndërsa u arrestua nga policia në Sarandë gjatë një aksioni policor në lagjen nr.1 të qytetit në atë kohë.
