ITALI- Detja të reja janë zbardhur nga dosja e 60-vjeçarit shqiptar që u arrestua dy ditë më parë në Durrës me qëllime ekstradimi. Mediat italiane shkruajnë se aksioni nisi më 24 maj, në Durrës. Po ashtu sipas mediave italiane dënimi fillestar ndaj shqiptarit ishte dhënë në mungesë në vitin 2018, me 5 vjet e 10 muaj burgim për krimin e dhunës seksuale ndaj një të mituri, të kryer në provincën e Noceto, në Parma, midis viteve 2005 dhe 2010.
Në muajin prill 2021, Gjykata e Apelit e Bolonjës lëshoi një urdhër ekzekutimi me burgim kundër shqiptarit, duke u detyruar të vuante një dënim prej 4 vjetësh e 10 muajsh burgim. Pas kësaj, ndaj tij nisi kërkimi që nuk dha rezultate. Në dritën e hetimeve të mëvonshme të kryera nga hetuesit e Policisë së Shtetit, nëpërmjet të cilave u rindërtuan lëvizjet e shtetasit shqiptar, autoritetet gjyqësore kërkuan një urdhër-arresti ndërkombëtar më 2023, deri në lokalizimin e tij në Durrës.
Aktualisht po bëhen procedurat përgatitore për ekstradimin mes Interpol Tiranës dhe Romës. Operacioni për arrestimin e 60-vjeçarit u krye nga dy Policitë e Shtetit, si pjesë e një hetimi të përbashkët me Shërbimin për Bashkëpunim Policor Ndërkombëtar, Ekspertin e Sigurisë në Tiranë dhe Njësinë FAST Albania (Departamenti Operacional i Departamentit të Policisë Kriminale).
