Jannik Sinner dhe Carlos Alcaraz po bëhen figura kryesore në botën e tenisit, duke përballuar një kombinim të presionit, përgjegjësive, famës dhe përfitimeve financiare. Sipas “La Gazzetta Dello Sport”, fitimet e dyshes, që quhet “Sincaraz”, arrijnë deri në 130 milionë euro, me Sinner që merr 66 milionë dhe Alcaraz 64 milionë.
Të ardhurat kryesore për tenistët përfshijnë shpërblimet monetare nga turnetë. Gjatë sezonit të fundit, Sinner dhe Alcaraz dominuan në turnetë më të rëndësishëm, duke përfituar shpërblime prej 19.1 milionë euro për Sinner dhe 18.8 milionë euro për Alcaraz. Turnetë ATP 250 dhe 500 ofrojnë gjithashtu shpërblime tërheqëse, ku të dy lojtarët shpesh fitojnë rreth 1 milion euro secili për pjesëmarrjen e tyre. Alcaraz ka garuar në pesë turne të tillë dhe ka fituar 5 milionë euro, ndërsa Sinner në tri turne, për një total prej 3 milionë euro.
Sponsorët luajnë gjithashtu një rol të rëndësishëm në financat e tyre. Sinner ka përfituar 37 milionë euro nga sponsori teknik Nike dhe marrëveshje të ndryshme, ndërsa Alcaraz ka realizuar 35 milionë euro në të njëjtin sektor. Evenimentet e ekzibicionit gjithashtu kontribuojnë në portofolin e tyre; këtë sezon, Sinner fitoi 6 milionë dollarë nga Six Kings Slam, ndërsa Alcaraz 4.5 milionë.
Ndërsa në bilancin e tyre financiar, dy elementë të tjerë janë bonus pool dhe profit sharing. Sinner ka përfituar rreth 3 milionë euro nga profit sharing, i cili ndan fitimet mes lojtarëve dhe turneve Master, ndërsa Alcaraz ka marrë 600 mijë euro. Gjatë sezonit të ardhshëm, Bonus Pool ofron shpërblime të tjera monetare bazuar në pikët e grumbulluara në turnetë 1000 dhe 500. Sinner në këtë kategori mbetet pa pagesë për shkak të pjesëmarrjes së ulët, ndërsa Alcaraz ka siguruar 2.4 milionë euro.
Këto shifra reflektojnë jo vetëm suksesin e tyre në fushë, por gjithashtu strategjinë e tyre efektive në menaxhimin e karrierës.
