GJIROKASTRA- Kryeministri Edi Rama vijoi turin e fushatës elektorale në Gjirokastër ku mori pjesë në një takim me gratë dhe vajzat. Rama nuk i kurseu batutat teksa fliste për turizmin dhe i drejtohej Tërmet Peçit dike i treguar se dikush i kishte thënë “komandat, s’e kishim imagjinuar të shikonim bionde suedeze në Tepelenë.” Kryeministri shtoi se PS ka këtë fuqi të madhe të grave dhe vajzave që i është bashkuar fuqisë së djemve dhe burrave.
“Arsyeja pse kam vendosur që në këtë xhiro të parë të këtyre ditëve të bëjmë këto takime të mëdha me gra dhe vajza është se së pari jam shumë krenar që PS ka këtë fuqi të madhe të grave dhe vajzave që i është bashkuar fuqisë së djemve dhe burrave. Duke pasur parasysh se nga sa larg e kemi nisur këtë revolucion, kemi gjithë arsyet për të qenë krenar dhe të mos ndalemi këtu. Kemi arritur në 40% por nuk duhet të ndalemi derisa të shkojmë 50%.
Si ka mundësi që kur ne morëm detyrën, na shikonin dhe dëgjonin, pa respekt. Nuk kishim besim. Si ka mundësi që këta sot kanë arritur në përfundimin që e duan Shqipërinë brenda në familjen europiane? Janë të sëmurë? Po këta që monitorojnë proceset që lidhen me administratë? Janë të sëmurë edhe këta? Apo janë të tërë të blerë.
Shpjegimi është i thjeshtë. Këta njerëz nuk e dinë fare dhe kur e shohin nuk duan ta shohin, Shqipërinë reale që ndryshon çdo ditë. Unë dje erdha me Mirelën në Gjirokastër dhe i gjithë pazari ishte plotë. Nuk është as fundjave. Në këtë qytet kur ne e kemi filluar detyrën kishte dy tre dyer ku mund të trokisje për të fjetur. Edhe ata përpëliteshin për mbijetesë nga mungesa e turistëve.
Kur kam vajtur në Libohovë jam shastisur. Kishte vetëm një kafene. Sot ka bujtina. Tepelena kishte një xhep fals. Ma ka thënë Tërmeti njehere, komandat, se kishim imagjinuar ndonjëherë bionde nga Suedia të bënin xhiro në Tepelenë. Bjonde, sy bojqelli, suedeze, duke bërë xhiro te Ali Palashi, deri në Memaliaj. Kjo Shqipëri është një Shqipëri krejt tjetër”, tha Rama.
