Demokratët do të zhvillojnë këtë të shtunë protestën të cilën e kanë cilësuar si më madhështoren. Protestuesit do të grumbullohen në orën 16:00 në Bulevard dhe më pas do të marshojnë drejt Kryeministrisë.
Kësaj proteste të thirrur nga opozita do t’i bashkohen dhe qytetarë nga Tirana dhhe jo vetëm. Kreu i degës së PD Shkodër bën me dije se rreth 3 mijë qytetarë do të nisen drejt kryqytetit për të protestuar kundër regjimit të kryeministrit Edi Rama dhe kundër rritjes së çmimeve në vend.
Gjithashtu deputeti Luan Baçi njoftoi se nga Fieri janë nisur anëtarë e simpatizantë të Partisë Demokratike, si dhe qytetarë. Po ashtu mësihet se edhe nga Vlora e Kukësi janë nisur qytetarë për të marrë pjesë në protestën e sotme, nga Gjirokastra janë nisur drejt Tiranës 60 protestues, nga Tepelena 40 protestues, nga Memaliaj 50 protestues, nga Përmeti 30 protestues dhe nga Këlcyra 35 protestues.
Ndërkohë nga Korça janë nisur drejt Tiranës, 550 protestues, Pogradeci rreth 200 dhe nga Devolli 400 protestues dhe nga Lezha janë nisur rreth 1 mijë protestues, me automjete private.
