Shtëpia e Bardhë ka reaguar ndaj një videoje të shpërndarë nga presidenti Donald Trump në rrjetet sociale, që përmbante përmbajtje raciste, ku Barack dhe Michelle Obama paraqiteshin si majmunë. Zëdhënësja e Shtëpisë së Bardhë, Karoline Leavitt, e cilësoi videon si një “meme në internet” dhe e paraqiti Trump-in si “Mbretin e Xhunglës”, ndërsa demokratët ndiheshin si personazhe nga filmi “The Lion King”.
Leavitt pohoi se kritikat ndaj ngjarjes janë të ekzagjeruara dhe se ato nuk pasqyrojnë çështje të rëndësishme për publikun amerikan. Ajo i bëri thirrje kritikëve të ndalin reagimet e “shtirura” dhe të përqendrohen në çështje më relevante për qytetarët amerikanë.
Videoja, e shpërndarë në platformën Truth Social të Trump, përmbante gjithashtu pretendime për mashtrim zgjedhor gjatë zgjedhjeve presidentiale të vitit 2020, të cilat ishin përgënjeshtruara nga gjykatat. Publikimi i kësaj videoje ka shkaktuar reagime të forta politike, me ligjvënës amerikanë që kërkojnë heqjen e saj. Megjithatë, Shtëpia e Bardhë nuk ka treguar asnjë shenjë për tërheqjeje ose kërkese ndjese për përmbajtjen e shpërndarë.
