Presidenti i SHBA-së, Donald Trump, ka nënshkruar dy vendime të reja që vendosin tarifa të larta për disa produkte farmaceutike të importuara dhe të tjera për metalet. Këto masa synojnë të nxisin prodhimin vendas, me tarifa që mund të arrijnë deri në 100% për ilaçet. Sidoqoftë, disa vende me marrëveshje të veçanta me SHBA-në, si Japonia, Koreja e Jugut, Bashkimi Evropian dhe Zvicra, do të përballen me tarifa më të ulëta, deri në 15%.
Përveç masave për ilaçet, administrata ka rishikuar tarifat për metalet. Sipas rregullave të reja, produktet përfundimtare që përmbajnë sasi të konsiderueshme çeliku, alumini dhe bakri do të tatohen me 25% të vlerës së tyre totale, një ndryshim nga metodat e mëparshme, të cilat ishin të bazuara në përmbajtjen e metaleve.
Shtëpia e Bardhë ka theksuar se këto ndryshime kanë për qëllim parandalimin e praktikave të kompanive që manipulojnë çmimet për të shmangur tarifat. Rregullat për metalet pritet të hyjnë në fuqi brenda disa ditësh, ndërsa ato për produktet farmaceutike do të aplikohen brenda 120 deri në 180 ditëve, sipas madhësisë së kompanive.
Administrata Trump ka shprehur qëllimin e saj për të rritur prodhimin e barnave të licencuara në SHBA, megjithatë barnat gjenerike do të përjashtohen nga këto masa. Kompanitë që investojnë në fabrika brenda vendit do të përfitojnë tarifa më të ulëta ose përjashtime nga tarifat.
Një vendim i fundit nga Gjykata e Lartë e SHBA-së, i cili shpalli disa nga tarifat e mëparshme si jokushtetuese, ka bëri që Trump të reagojë ashpër. Megjithatë, tarifat për sektorët e farmaceutikës dhe metalet vazhdojnë të mbesin në fuqi.
Këto ndryshime politike tregojnë një përpjekje të vazhdueshme për mbështetje të industrisë vendase si dhe një qasje të re në marrëdhëniet tregtare.
