Fashat ngjitëse në duar të Donald Trumpit kanë tërhequr vëmendjen e mediave dhe publikut, duke shkaktuar spekulime mbi shëndetin e presidentit amerikan. Fotot e fundit nga një aktivitet publik tregojnë dorën e tij të mbështjellë, çka rriti pyetjet në rrjetet sociale.
Zëdhënësja e Shtëpisë së Bardhë, Karoline Leavitt, sqaroi se këto fashat janë pasojë e kontaktit të shpeshtë të presidentit me njerëz gjatë takimeve dhe aktiviteteve zyrtare. Ajo theksoi se ky kontakt ka shkaktuar irritim dhe lodhje në dorë, çka e ka bërë të nevojshme vendosjen e fashave si masë mbrojtëse. Leavitt përsëriti se nuk ka arsye për shqetësim, duke theksuar se Trump vazhdon të kryejë detyrat e tij pa pengesa.
Trump, 79-vjeçar, iu nënshtrua një skanimi me rezonancë magnetike (MRI) në tetor, të cilin e konfirmoi mjeku i tij, Sean P. Barbabella. Sipas tij, imazhet kardio-vaskulare dhe ato të barkut ishin “krejtësisht normale”, duke e dëshmuar kështu shëndetin e tij në një nivel të pranueshëm.
Shtëpia e Bardhë vazhdon të japë përditësime mbi shëndetin e presidentit, por me zhvillimin e këtyre ngjarjeve, diskutimet e mediave dhe opinonit publik duket se do të vazhdojnë.
