SHBA- Qeveria amerikane do të fillojë t’u dërgojë letra vendeve me detaje mbi tarifat më të larta të SHBA-së që do të fillojnë më 1 gusht. Presidenti amerkan Donald Trump tha sot se midis 10 dhe 12 letra do të dërgohen të premten, dhe më shumë gjatë ditëve në vijim.
Detyrimet e importit do të variojnë nga “tarifa 60% ose 70% në tarifa 10 deri në 20%”, tha ai, kufiri maksimal i të cilave është më i lartë nga sa kishte përshkruar më parë. Trump ka vendosur një afat deri më 9 korrik për negociatat mbi normat e taksave të importit, ndërsa vendet përpiqen të arrijnë marrëveshje.
Ai më parë ka thënë se do të ketë një tarifë bazë prej 10% për shumë ekonomi deri në një maksimum prej 50%. Trump nuk tha se mallrat e cilave vende do të përballeshin me taksat amerikane, ose nëse normat do të zbatoheshin vetëm për mallra të caktuara.
“Plani im është të dërgoj një letër dhe të them se çfarë tarife do të paguajnë. Është thjesht shumë më e lehtë. Do të dërgojmë disa letra, ndoshta duke filluar nesër”, u tha ai gazetarëve.
Tarifat janë taksa të vendosura mbi mallrat që hyjnë në një vend, të paguara nga importuesi.
