Shkroi: Soni Salihi
U mbyll sot java e 25 e Kategorisë Superiore me një fitore të Vllaznisë 0-1 ndaj Dinamos dhe barazimit 1-1 të Tiranës kundër Laçit. Shkodranët marrin fitoren e 3 rradhazi në kampionat dhe e çojnë shifrën në 9 të ndeshjeve pa pësuar humbje. Tirana nuk arriti të merrte më shumë se një barazim ndaj një kundërshtari të fortë siç është Laçi duke vështirsuar pozitat e sajë në “Final 4”.
Ndeshje e lufutar deri në fund ishte ajo e zhvilluar në “Niko Dovana”, ku Vllaznia ju fal supergolit të Rejan Alivoda në minutën e 28’ për të marrë fitoren. Dinamo bëri maksimumin por nuk arriti dot të thyente “murin shkodran” dhe të shënonte sot.
Për sa i përket ndeshjes Tirana-Laçi, të parët që kaluan në avantazh ishin kryeqytetasit të cilët realizuan fale një “predhe” të Regi Lushkja në minutën e 54’, një rezultat që do të ndryshonte shume shpejt sepse “kurbinasit” barazuan gjithçka në minutën e 79’, ku talenti Olsi Myrta përfitoj nga një rrëmujë në zonë dhe dërgoj topin në rrjetë duke shënuar kështu edhe golin e fundit të ndeshjes.
Me këto rezultate tashme Vllaznia shkëputet nga Partizani dhe e sheh veten të vetme në vendin e 2, vetëm 6 pikë larg Egnatias që është kryesuesja e kampionatit. Nga ana tjetër Tirana dhe Dinamo ndajnë vendin e 4 me pikë të barabarta, nga 35 secila kurse Laçi vazhdon luftën për mbijetësë ku është shkëputur 4 pikë nga Erzeni.
