Një grup deputetësh të partisë demokratike po protestojnë pra Parlamentit Europian në Strasburg. Deputeti demokrat Tritan Shehu i cili ndodhet në Strasburg tha se kjo protestë bëhet për të sensibilizuar europarlamentarët dhe se vendi ka nevojë për ndihmën e tyre për të dalë nga qerthulli i madh antidemokratik.
“Jemi sot këtu për problemet e mëdha që ka Shqipëria, për deformimet e rënda të demokracisë, të lirive, për të arritur kulmin me arrestimin politik të Sali Berishës. Sot jemi këtu një grup deputetësh për të sensibilizuar PE, europarlamentarët për atë çfarë po ndodh në Shqipëri. Shqipëria ka nevojë për ndihmën e partnerëve për të dalë nga ky qerthull i madh antidemokratik. Kemi dalë për të dialoguar, protestuar, për atë rrugë të rrezikshme që ka marrë dhe ka nevojë absolute për njohjen e realitetit, për t’u shkëputur nga regjimi”, u shpreh Shehu.
Më pas ai theksoi se në Shqipëri po ndodhin një sërë situatash si izolimi i liderit, burgosja e deputetëve.
“Ju e shikoni çfarë po ndodh në Shqipëri. Lideri i opozitës izolohet. Ish-presidenti rrëmbehet, deputetë burgosen. Ne duhet të ngremë zërin. Padyshim nuk është një betejë e lehtë, është e vështirë. Në Shqipëri duhet kërkuar lëvizje popullore”, tha Shehu.
