TIRANË- Gazetarja Klodiana Lala është shprehur sot se Këshilli i Lartë i Prokurorisë ka hequr nga rendi i ditës çështjen e prokurores së Shkodrës Elsa Gjelit, e cila u sulmua nga kryeministri Edi Rama lidhur me ndërtimet pa leje në Theth.
Në një postim në Facebook, Lala shprehet se ky institucion e kishte vendosur në dy njoftime radhazi çështjen “Gjeli” por “si me dredhi e shmangu”. Gazetarja shkruan se ky këshilli i cili supozohet të garantojë pavarësinë e prokurorëve apo karrierën e tyre, në këtë rast heshti.
POSTIMI I PLOTË:
“Tredhja” e KLP-se perballe Edi Rames
Kryeministri Edi Rama disa jave me pare shenjestroi prokuroren e Shkodres Elsa Gjeli, si fajtoren kryesore te ndertimeve pa leje ne Theth. Mendimin tim per Thethin e kam shprehur publikisht dhe sdua te ndalem serish. Por sot do merrem me Keshillin e Larte te Prokurorise. Ky institucion ne dy njoftime radhazi kishte vendosur ne rend dite çeshtjen Gjeli.
Por si me dredhi e shmangi. E hoqi nga rendi i dites, teksa ne Theth shembeshin njera pas tjetres ndertimet pa leje, ne nje aksion qe sigurisht deshmonte arrogance e force pushteti.
Ky keshill qe duhet te garantoje pavaresine e prokuroreve, karrieren, etj etj heshti. Sepse duhet te kesh shtylle kurrizore ti kundervihesh Edi Rames.
https://www.facebook.com/plugins/post.php?href=https%3A%2F%2Fwww.facebook.com%2Fklodiana.lala.7%2Fposts%2Fpfbid0YAhdTUZ4rejFtWR3i4YsVH1Fu8dFdzxzVWhPVMe3sUgazKRU4qcMcPZeHRTqhgLyl&show_text=true&width=500
Ndërtimet në fshatin Theth ishin dhe arsyeja e përplasjes mes kryeministrit Edi Rama dhe Prokurorisë së Shkodrës. Këto ndërtime, Rama është shprehur se janë ndërtuar pa leje dhe IKMT do ti heqë nga territori. Lidhur me këtë çështje, Rama ka sulmuar prokuroren Elsa Gjeli. Sipas tij, kjo e fundit ka refuzuar të hapë çështjen dhe ka injoruar denoncimin e Policisë së Shtetit lidhur me këtë ndërtim. Kreu i qeverisë shprehej se është lejuar një ndërtim në zemër të Thethit në shkelje totale të ligjit, por sipas tij, Prokurorja Gjeli ka dalë me vendim se nuk ka vepër penale. Rama tha se këtë çështje do ta përciellë në Këshillin e Lartë të Drejtësisë, ndërkohë që shtoi se kjo prokurore është e padenjë për tu paguar si e tillë.
