Ish-kryeministri Sali Berisha akuzohet për korrupsion nga Prokuroria e Posaçme.
Për këtë arsye SPAK i ka caktuar masën e sigurisë detyrim paraqitje dhe i ka ndaluar daljen jashtë vendit. Berisha me dhëndrin akuzohen për privatizimin e kompleksit “Partizani”.
Tashmë lideri historik i së djathtës është izoluar totalisht. SHBA dhe Britania e shpallën non grata, ndërsa tashmë i ndalohet dalja jashtë vendit.
Por cfarë do të vendosë? Pas pak Berisha ka njoftuar një konferencë urgjente për mediat. Skenarët janë të shumtë, por ne po sjellim tre të mundshmit, si mund të veprojë ish-kryeministri.
Shanset më të mëdha janë që Berisha të mos bëjë asnjë hap pas nga politika duke vijuar betejën në të gjitha frontet. Skenari i dytë është që mund të heqë dorë nga imuniteti dhe të vazhdojë axhëndën politike.
Dhe skenari i tretë që thuajse nuk ka gjasa që të ndodhë është tërheqja nga politika për t’u përballuar me drejtësinë.
